Aa hosh me Sajjad kay ghar jal gaye saray

Sab tut gaye Zainab e muztar kay saharay

Ghoray kay qadam thaam kay kehti thi Sakina

Baba ho mujhy chhor chalay kis kay saharay

Ye tera hi dil hay kay sina kheenchi hay tu ne

Sadqay tere Shabbir Ibrahim pukaray

Bethi hay yateemo ko jalay khaimay me le kar

Syedaniyan tanha hain kay waris gaye maray

Ummat ne diya khoob hamen ajr e risalat

Dastar e nabi looti hay burqay bhi utaray

Mai akhri rukhsat kay liye ayi hun bhaiyya

Ghazi ko pukaro hamen mehmil se utaray

Bhaiyya tere bazu mjhy rastay me milay hain

Ye kya hay yahan tm ho wahan bazu tmhare

Hathon pe utha kay kaha Shabbir ne logon

Bacha mera dum torta hay pyas kay maray

Khat likhti hay ashkon kay isay kaun btae

Tu lutt gyi Sughra tere bhaiya gaye maray

Zainab ne diya bosa jo bhai kay galay par

Shabbir chalay khaimay se ronay lagay saray

Likha hay mjhy sadqe me Asghar kay bula lo

Dum ghut'ta hay bhaiya mera tanhayi kay maray

Maray hain tamachay mjhy balon se pakar kar

Dur kheench kay zalim ne hain kaano se utaray

Shabbir lehed khod kay ye soch rhy hain

Ab kissay kahen qabr me Asghar ko utaray

Baba mjhy ik pal ko hi seenay se lga lo

Din bhar se hun bechen bohat dard kay maray

Hurmal ne kaha teer chala kar shah e deen se

Aata hay abhi jaam e qaza paas tmhare

Dekhy tou nisaar aaj koi Hur ka muqaddar

Dozakh se chala agaya kausar kay kinaray