Aa mere laal tujhay lori sunaun Asghar

Maa hun bin tere sukun kese mai paun Asghar

Chaand badli me chhupa gehra andhera chaya

Tu abhi tak mere besheer na wapas aya

Dhundny bann me kahan tjhko mai jaun Asghar

Jalti reti pe tujhay neend kahan aegi

Dasht ki garm hawa aur bhi tarpaegi

Aa tujhay mamta kay saaye me sulaun Asghar

Sab ye kehty hain kay tu marr gaya haye haye

Mai tou maa hun mujhy kis tarhan yaqeen ajae

Mai bhala kese teri qabr banaun Asghar

Laakh majbur sahi phir bhi mai maa hun beta

Tu zara de tou sahi ghamzada maadar ko sada

Dasht me lene tujhay khud chali aaun Asghar

Aa meri jaan kaleje se laga lun tjhko

Apnay armaano ki chadar me chhupa lun tujhko

Loriyan dun mai tujhay jhoola jhulaun Asghar

Ghamzada maa ka ajab haal hua tha gauhar

Jab watan jatay hue maa ne kaha ye ro kar

Kya watan ja kay mai Sughra ko sunaun Asghar