Aye Alamdaar e Hussain

Wa Abbasa

Parcham e Abbas hi parcham e Islam hai

Abbas ka Alam hai qaumi nisha'n hamara

Ye parcham e Nabi hai humko hai jaan se pyaara

Abbas ka Alam hai qaumi nisha'n hamara

Humza ne Murtaza ne Jafar ne bhi uthaya

Abbas tak ye parcham yun haath o haath aaya

Baazu kata ke isko Abbas ne sanwara

Abbas ka Alam hai qaumi nisha'n hamara

Do tukray chand kar de panje mein itna dum hai

Taara jahan pe utra us ghar ka ye alam hai

Iski bulandion par qurbaan chand taara

Abbas ka Alam hai qaumi nisha'n hamara

Pabandi sarhadon ki na qaid hai zubaan ki

Bus ye khususiyat hai Abbas ke nishan ki

Duniya mein ye Alam hai mazloom ka sahara

Abbas ka Alam hai qaumi nisha'n hamara

Saanso ki dor iski dori se hi bandhi hai

Baab e karam yahi hai baab e ataa yahi hai

Isse muraden lene aaye jahaan saara

Abbas ka Alam hai qaumi nisha'n hamara

Chauda sou saal se hai iski yahi kahani

Yeh fatha ki hai aayat yeh jeet ki nishani

Isko uthane wala haarega aur na haara

Abbas ka Alam hai qaumi nisha'n hamara

Islam ka ye parcham Allah iska zamin

Kab se utar rahe hain sar momino ke lekin

Apne gharon se humne parcham nahi utara

Abbas ka Alam hai qaumi nisha'n hamara

Abbas ka ye parcham ab tak lahu bhara hai

Zainab se ye takallum Mehdi tak aagaya hai

Laenge saath apne Qaim isay dubara

Abbas ka Alam hai qaumi nisha'n hamara

Alam bhai ka lahu mein bhara

Utha laaye jab Shah e karbala

Qayamat bapa haram mein hui

Tarapne lagi Nabi zaadiyan

Suni jab Sakina ne ghum ki khabar

Tarap kar ye pucha kahan hai chacha

Kaha Shah e deen ne mera ghar luta

Sakina tumhara chacha naa raha

Yateemo ka jab suna ye baya'n

Tarapne lageen Nabi zaadiyan

Yateemo se ye kaha Shah ne

Wasiyat ye thi mere bhai ki

Na le jana khaimo mein laasha mera

Hai pyason se sharminda unka chacha

Ye kehkar alam behen ko diya

Taqaza kare na koi pyaas ka

Alam hi janaza hai Abbas ka

Sakina tumhara chacha na raha