Akbar ko fajar Shah ko Asar roti hay

Zainab ko magar sham o seher roti hay

Mila azaan ko muazzin na baad Akbar kay

Lehja e Akbar ko azanon ki satar roti hay

Kyun na Akbar ki jawani pe jawani roay

Jis pe Hassnain kay nana ki qabr roti hay

Haye wo sham e ghareeban kay andheray me Rubab

Khali aaghosh liye thamay jigar roti hay

Shab e ashur wo sehmy hue piyasay bachay

Jab qaza daalti hay un pe nazr roti hay

Hakim e sham ye kehta tha Sakina kay liye

Qaid e tanhayi me daalo ye agar roti hay

Laash e Qasim pe hay khamosh khari bint e Hussain

Mjhse kehti hi nae han wo magar roti hay