Ali kay lehje me bint e Zehra pyam e haq yun suna rahi hain
علیؑ کے لہجے میں بنتِ زہراؑ پیامِ حق یوں سنا رہی ہے
ضمیرِ آدم پکار اُٹھا صدائے معبود آ رہی ہے
ہمک کے گردن پہ تیر لے لو چراغِ احمدؐ بُجھے نہ اصغرؑ
یہی تو ایک روشنیٔ حق ہے جسے یہ دنیا بُجھا رہی ہے
چمکتی تیغوں میں لال اپنے نہ بھیجو زینبؑ انہیں نہ بھیجو
پڑے ہیں کُشتوں کے ڈھیر رن میں اجل کھڑی مسکرا رہی ہے
جو ہو سکے تو اے امِ لیلیٰؑ پسر کی میت پہ تم نہ جانا
سِناں کا پھل گھر بنا چکا ہے جوانی منّت بڑھا رہی ہے
پڑی ہے خیموں میں لوٹ اکبرؑ گوہر سکینہؑ کے چِھن رہے ہیں
کہاں ہو عباسؑ عونؑ و قاسمؑ سکینہؑ تم کو بلا رہی ہے
Ali kay lehje me bint e Zehra pyam e haq yun suna rahi hain
Zameer adam pukar utha sada e maubud arhi hay
Humak kay gardan pe teer le lo chiragh e Ahmed bujhay na Asghar
Yehi tou aik roshni e haq hay jisay ye dunya bujha rahi hay
Chamakti teghon me laal apnay na bhejo Zainab inhen na bhejo
Paray hain kushton kay dhair rann me ajal khari muskura rahi hay
Jo hosakay tou ay Umme laila pisar ki mayyat pe tum na jana
Sina ka phal ghar bana chuka hay jawani mannat barha rahi hay
Pari hay khaimon me loot Akbar gauhar Sakina k chhin rahay hain
Kahan ho Abbas Aun o Qasim Sakina tum ko bula rahi hay