Ali kay lehje me bint e Zehra pyam e haq yun suna rahi hain

Zameer adam pukar utha sada e maubud arhi hay

Humak kay gardan pe teer le lo chiragh e Ahmed bujhay na Asghar

Yehi tou aik roshni e haq hay jisay ye dunya bujha rahi hay

Chamakti teghon me laal apnay na bhejo Zainab inhen na bhejo

Paray hain kushton kay dhair rann me ajal khari muskura rahi hay

Jo hosakay tou ay Umme laila pisar ki mayyat pe tum na jana

Sina ka phal ghar bana chuka hay jawani mannat barha rahi hay

Pari hay khaimon me loot Akbar gauhar Sakina k chhin rahay hain

Kahan ho Abbas Aun o Qasim Sakina tum ko bula rahi hay