Allah o Shafi Allah o Kafi

Sadqay me maula Hussain kay

Ho koi maraz ya koi bala

Kaam ayegi bas yeh hi sada

Allah o Shafi Allah o Kafi

Sadqay me maula Hussain kay

Veeran thi zameen e karbobala

Shabbir ka khoon jab is me mila

Yeh khaak bani phir khaak e shifa

Is khaak pe wajib hay sajda

Deta hay sada yeh ashura

Mola ki zamanat me dey kay

Hum say yeh kaha hay maon nay

Hum khalq huey is gham kay liye

Shabbir ka matam kar beta

Jee chahye jitna khoon baha

Zakhmo say badan sab choor hua

Lab per na shikayat hay na gilaa

Hay dard yahan per misl e dawa

Yeh sirf bahattar per hay khula

Shabbir pe marr jana hay shifa

Seene me lagi jis dam barchi

Medaan may qaza bhi roney lagi

Zainab pey qayamat tut gayi

Akbar ney jigar ko thaam liya

Behtey huey khoon ney di yeh sada

Jis waqt galay per teer laga

Tha maa kay labon per shukr e khuda

Bano nay dar e khaima se kaha

Yeh teer nikalenge baba

Ghabrana nahi Asghar beta

Halaat ajab thay ghurbat kay

Rukhsar thay neelay bachi kay

Gohar bhi laeen nay chheen liye

Kano say lahu jab behne laga

Zainab nay Sakina se yeh kaha

Qurban takallum ho us per

Sajjad ka tha yeh zakhm e jigar

Maa behnen phupi thi be chadar

Bazar may khoon bhi rota raha

Aur zakhmi labon say kehta raha

Karbala kay baad bhi tum Syed e Sajjad ho

Dosra hota tou keh deta khuda koi nahi