Amma Fizza Bata De Mujh Ko Pathar Kyun Aa Rahe Hain
اماں فضہؑ بتا دے مجھ کو پتھر کیوں آ رہے ہیں
کیسا ہے یہ چراغاں دِل ڈوبے جا رہے ہیں
ہونے لگی اذانیں کیسے سَروں کو ڈھانپیں
بازو بندھے ہوئے ہیں خوں رو رہی ہیں آنکھیں
آنکھوں کے خوں سے رستے خوں مِیں نہا رہے ہیں
سجادؑ کا کلیجہ صد پاش ہو رہا ہے
اِک ایک زخم اِن کا اِس غم مِیں رو رہا ہے
زینبؑ کا نام لے کر اعدا بُلا رہے ہیں
نیزوں پہ جتنے سَر ہیں اِک سَر ہے اُن مِیں ایسا
آنکھیں ہیں بند اُس کی اور خاک پر ہے گِرتا
عباسؑ کا یہ سَر ہے تیور بتا رہے ہیں
اِتنا چلے ہیں پیدل کانٹوں پہ سارے قیدی
تھک جاتی چلتے چلتے چلتی اگر زمیں بھی
پیروں کے آبلے بھی آنسو بہا رہے ہیں
ہیں لوگ کس طرح کے ہم سے دُعا کرائیں
اے قیدیوں دُعا دو یہ دِن نہ ہم پے آئیں
لے کر دُعائیں ہم سے دِل بھی دُکھا رہے ہیں
ماؤں کی گودیوں سے لپٹے ہوئے ہیں بچے
ہیں ہاتھ رسیوں مِیں ماؤں سے ایسے جکڑے
بچے جو گِر رہے ہیں وہ مرتے جا رہے ہیں
نیزے پہ رو رہا ہے مشکل کشاء کا بیٹا
نا محرموں کے لب پر آیا ہے نام میرا
مجھ کو کنیز زادے یوں بھی رُلا رہے ہیں
کیوں قافلہ رُکا ہے بجتے ہیں شادیانے
لہرا رہے ہیں اعدا خوش ہو کے تازیانے
کیوں جشن کا سماں ہے سب مُسکرا رہے ہیں
کرنے لگا تلاوت نیزے پہ ابنِ حیدرؑ
ناموسِ مصطفیؐ کے سَر پہ نہیں ہے چادر
نظروں کو اشقیاء کی سرورؑ ہٹا رہے ہیں
ریحانؔ قیدیوں مِیں برپا تھا شورِ گریہ
پلکوں سے کر رہی تھیں ماتم جو بنتِ زہراؑ
سجادؑ نوحہ خواں ہیں نوحہ سُنا رہے ہیں
Amma Fizza bata de mujh ko pathar kyun aa rahe hain
Kaisa hai yeh charaghan dil dobay da dahe hain
Hone lagi azanein kaisay saron ko dhanpein
Bazu bandhay hoye hain khoon ro rahi hain aankhein
Aankhon ke khoon se rastay khoon mein naha rahe hain
Sajjad ka kaleja sad pash ho raha hai
Ik aik zakhm inn ka Iss gham mein ro raha hai
Zainab ka naam le kar ada bola rahe hain
Naizon pe jitnay sar hain aik sar hain un me aesa
Aankhein hain band uski aur khaak par hay girta
Abbas ka ye sar ghay tewar bata rahay hain
Itna chalay hain paidal kaanton pe saray qaidi
Thak jati chaltay chaltay chalti agar zameen bhi
Pairon kay aablay bhi ansu baha rahay hain
Hain loug kis tarahan kay hum se dua karaen
Aye qaidion dua do ye din hum pe aayen
Le kar duaen hum se dil bhi dukha rahay hain
Maon ki godion se liptay hue hain bachay
Hain haath rasion me maa'on kay aese jakray
Bachay jo girr rahay hain wo martay ja rahay hain
Naizay pe ro raha hay mushkil kusha ka beta
Na mehramon kay lab par aya hay naam mera
Mujh ko kaneez zaday yun bhi rula rahay hain
Kyun qafila ruka hay bajtay hain shadiyanay
Lehra rahay hain aada khush ho kay taaziyanay
Kyun jashan ka samaa hai sab muskura rahay hain
Karne laga tilawat naizay pe Ibn e Haider
Namoos e Mustafa kay sar pe nahi hay chadar
Nazron ko ashqiya ki Sarwar hata rahay hain
Rehan qaidion me barpa tha shor e girya
Palkon se kar rhi thi matam jo Bint e Zehra
Sajjad noha khuaan hain noha suna rahay hain