Haye haye Ali Akbar

Barchi nikaalne lage jab Shah e karbala

Awaaz maa ko de ke ye mazloom ne kaha

Hai aap ke Hussain ki ghurbat ka imtehaan

Amma madad karo

Kaise nikalun seena e Akbar se mai sina

Amma madad karo

Bardaasht kis tarhan se ye kar paega Hussain

Bete ke sath dasht mein mar jayega Hussain

Karyal jawaan ragarta hai maqtal mein erhiyaan

Amma madad karo

Afsos aa na paaya mai usko utarne

Zeen se gira diya isay naize ke waar ne

Tooti hai aap ki tarhan Akbar ki pasliyaan

Amma madad karo

Akbar ke saath saath mera dil bhi chhid gaya

Uthta nahi hai haath tumhare ghareeb ka

Pehle mere kaleje se tum khainch lo sina

Amma madad karo

Paala hai jisne naazon se hai intezaar mein

Chadar na bhool jaye wo Akbar ke pyaar mein

Zainab ko rok lo kahin aa jaye na yahan

Amma madad karo

Aati hai sharm baap ko bete ke saamne

Aankhon pe rakh do haath dikhayi na de ise

Haye rotay zaeef baap ko dekhe na naujawaan

Amma madad karo

Amma ghari ye kaisi ajab imtehan ki hai

Do bekason ke haath mein mayyat jawan ki hai

Pehlu shikasta aap ka meri kamar kamaan

Amma madad karo

Tooti hui kamar hai meri mera saath do

Mai chahta hun khaime mein Akbar ko le chalo

Zinda tou dekh le ise ek baar iski maa

Amma madad karo

Pohncha ke laash khaime takallum ki ye sadaa

Zainab jo mujhse puchegi kya mai bataunga

Mujhse na hogi tum hi shahadat karo bayaan

Amma madad karo