Asghar ka lahu jab na liya arz o saman ne

Chehre pe mala khoon wo Shah e karbobala ne

Ao mere Asghar mai tujhe jhoolay me sulaun

Ghar aye hain Jibrael e ameen jhoola jhulanay

Maqtal me wo sar khulay hue sar peet'ti ayi

Maa ayi hay roothay hue Asghar ko mananay

Nanhi si zuban pher kay honton pe dikhayi

Par ghoont na pani ka diya qoum e jafa ne

Puchay koi Asghar se kay ay maah e rubaba

Jhulay se giraya hay tujh ko kisi sada ne

Ye keh kay parhi fateha aur uth gaye Maula

Waqt agaya sajde me chalay sar ko jhukanay

Lo nanhi si turbat me raho aaj akele

Ghar jao na ay laal mere maa ko rulanay

Maqtal se kisi roknay walay ko bulao

Zalim mere Asghar pe laga teer chalanay

Jab baali Sakina ko mila thora sa pani

Maqtal me chali bhai ko wo pani pilanay

Dil soz nisar aesa wo manzar tha kay haye

Khud rotay hue pursa diya Sheh ko qaza ne