Assalam o alaika ya Sayeda
ہائے پردیس میں لٹ گئی ہے بہن
ہائے بھائی میرا رہ گیا بے کفن
بلوۂِ عام ہے سر پہ چادر نہیں
بھائی کے خون سے سرخ ہے یہ زمین
ہائے باندھی گئی بازوؤں میں رسن
ہر مصیبت کو تنہا اُٹھاتی ہوں میں
مجھ کو رخصت کرو شام جاتی ہوں میں
تازیانوں سے زخمی ہے میرا بدن
حشر تک ہم کو روئے گی کرب و بلا
ہائے اہلِ حرم ہو گئے بے ردا
ہو گیا رن میں برباد میرا چمن
ہائے اجڑی بہن کی ہے حسرت یہی
بھائی کی لاش پر ہائے رو نہ سکی
بے کفن بھائی ہے اور میں بے وطن
میرے عونؑ و محمدؑ مارے گئے
اور سکینہؑ کے گوہر اُتارے گئے
میرے قاسمؑ کا ٹکڑے ہوا ہے بدن
ہائے اکبرؑ کا سینہ بھی چھلنی ہوا
فرش سے عرش تک ایک کہرام تھا
لاش اکبرؑ کی لائے جو شاہِ زمن
میرے غازیؑ کے بازو ہوئے جو قلم
خون میں تر بہ تر تھا جری کا علم
بے اماں ہو گئی بنتِ خیبر شکن
ہائے اصغرؑ کا جھولا جلایا گیا
پانی تیروں سے اس کو پلایا گیا
خاک پر سو گیا ہائے تشنہ دہن
سلسلہ شہؑ کے ماتم کا جاری رہے
آخری سانس تک پُرسہ جاری رہے
ہو زباں پر محب یا حسینؑ و حسنؑ
Haye pardes me lutt gayi hay behen
Haye bhai mera reh gaya be kafan
Balwa e aam hay sar pe chadar nahi
Bhai kay khoon se surkh hay ye zameen
Haye baandhi gayi baazuon me rasan
Har musibat ko tanha uthati hun mai
Mujhko rukhsat karo sham jati hun mai
Taaziyano se zakhmi hay mera badan
Hashr tak hum ko roaygi karbobala
Haye ahl e haram hogye be rida
Hogaya rann me barbad mera chaman
Haye ujri behen ki hay hasrat yahi
Bhai ki laash pe haye ro na saki
Be kafan bhai hay aur mai be watan
Mere Aun o Muhammad maray gaye
Aur Sakina kay gohar utaray gaye
Mere Qasim ka tukray hua hay badan
Haye Akbar ka seena bhi chalni hua
Farsh se arsh tak ik kohram tha
Laash Akbar ki laaye jo Shah e zaman
Mere Ghazi kay baazu hue jo qalam
Khoon me tar ba tar tha jari ka alam
Be aman hogayi bint e khaibar shikan
Haye Asghar ka jhoola jalaya gaya
Pani teeron se usko pilaya gaya
Khaak par sogaya haye tashna dahan
Silsila Sheh kay matam ka jaari rahay
Aakhri saans tak pursa jaari rahay
Ho zaban par muhib ya Hussain o Hassan