Haye pardes me lutt gayi hay behen

Haye bhai mera reh gaya be kafan

Balwa e aam hay sar pe chadar nahi

Bhai kay khoon se surkh hay ye zameen

Haye baandhi gayi baazuon me rasan

Har musibat ko tanha uthati hun mai

Mujhko rukhsat karo sham jati hun mai

Taaziyano se zakhmi hay mera badan

Hashr tak hum ko roaygi karbobala

Haye ahl e haram hogye be rida

Hogaya rann me barbad mera chaman

Haye ujri behen ki hay hasrat yahi

Bhai ki laash pe haye ro na saki

Be kafan bhai hay aur mai be watan

Mere Aun o Muhammad maray gaye

Aur Sakina kay gohar utaray gaye

Mere Qasim ka tukray hua hay badan

Haye Akbar ka seena bhi chalni hua

Farsh se arsh tak ik kohram tha

Laash Akbar ki laaye jo Shah e zaman

Mere Ghazi kay baazu hue jo qalam

Khoon me tar ba tar tha jari ka alam

Be aman hogayi bint e khaibar shikan

Haye Asghar ka jhoola jalaya gaya

Pani teeron se usko pilaya gaya

Khaak par sogaya haye tashna dahan

Silsila Sheh kay matam ka jaari rahay

Aakhri saans tak pursa jaari rahay

Ho zaban par muhib ya Hussain o Hassan