Ay ahl e aza dukh me sultan zaman kyun hay

Ahmed kay gharanay pe ye ranj o mahan kyun hay

Ahmed k gharany pe ye ranj o mahan kyun hay

Farzand Payambar ka awara watan kyun hay

Shabbir kay bachay kyun sab piyasay taraptay hain

Kholay hue Asghar bhi ghancha sa dahan kyun hay

Sab khalq ki mushkil ko asaan jo karay dum me

Aur saqi e kausar hay wo tashna dahan kyun hay

Kyun dil pe sina khayi hum shakl e Payambar ne

Tukray hua teghon se wo gul sa badan kyun hay

Har cheez zamanay ki hay jis kay isharay me

Teeron se hua chhalni phir uska badan kyun hay

Kyun qaid hay sab kunba mehboob e elahi ka

Ahmed ki nawasi kay baazu me rasan kyun hay

Ahmed ka gharana kyun balway me khulay sar hay

Aur baali Sakina ki gardan me rasan kyun hay

Mehboob e elahi ka barbad hua ghar kyun

Pamaal hua rann me Zehra ka chaman kyun hay

Ummat kay liye Aal e Muhammad ne dukh jhelay

Phir ummat e aasi ka bigra ye chalan kyun hay

Daawa hay kay peeru hain hum Aal e Muhammad kay

Phir zeenat e dunya ki dil me ye chubhan kyun hay

Hay zoum kay bethay hain hum kashti e itrat me

Phir beth kay kashti me ulta ye chalan kyun hay

Le jald khabar Maula rota hay adeem ab tou

Is waqt talak usko furqat ka mahan kyun hay