Ay chaand muharram kay tu badli me chala ja

Tujhy dekh kay marr jae na bemaar hay Sughra

Ghar Zehra kay lutnay ki khabar tu ne sunayi

Tujhay dekh kay roti hay muharram ki khudayi

Chauda so baras beetay sab kartay hain shikwa

Qasid ko diya khat me ye paigham likha kay

Ik bar tou mil ja mjhy seenay laga kay

Pathrayi hui nazren kab dekhen gi chehra

Milnay kay liye bhai ko be chen bari hay

Kab se Ali Akbar ki ye raahon me khari hay

Bichri hay ye muddat se isay tu na nazar aa

Wada jo kiya behen ko seene se laga kay

Mai shadi krunga tou tere paas hi aa k

Mai saat muharram ko lautunga na ghabra

Veeran gharon me na isay neend hay aati

Akbar ki judayi hay isay khoon rulati

Qadmon kay nishan dhaanp kay bethi hay sar e raah

Ronay nahi dete mujhy raton ko musalman

Bemari se behaal hun kuch roz ki mehman

Har simt se hay mujhko ab maut ne ghera

Gin gin kay jo Sughra ne ye din hay guzaray

Zinda hay tou Akbar kay waadon kay saharay

Din raat tarapti hay isay aur na tarpa

Behnon ka tou bhaion se rishta hi ajab hay

Tum bhool gaye mjhko ye kesa ghazab hay

Is aas pe zinda hun dekhun tera sehra

Bhaiya ki judayi me pareshan hay rehti

Har roz ye nana ko ro ro kay hay kehti

Akbar na mila nana mai marjaungi tanha

Sughra kay naseebon me tou rona hi likha hay

Sardar masooma ko mili kesi saza hay

Khat aya Akbar ka roti rahi Sughra