Haye Asghar haye Asghar

Yeh ro kay kehti thi Umm e Rabab maqtal me

Kahan pey sotay ho maa kay bagher jangal me

Ay mere chand meri ankh kay taare Asghar

Karbala ayi thi main tere bharosay Asghar

Ay mere chand meri ankh kay taare Asghar

Haye afsos kay majood nahi hay paani

Kesi ghurbat hay meri

Maa bhala teri nazar kese utaray Asghar

Ay mere chand meri ankh kay taare Asghar

Hath Shabbir ki gardan pe rakhay thay jese

Teer bhi chalty hue

Fatima aa kay khari theen tere aagay Asghar

Ay mere chand meri ankh kay taare Asghar

Tum bhi Abbas ho kausar pey nahi jana abhi

Laaj rakh lena meri

Hay abhi Ehl e Haram dasht me piyase Asghar

Ay mere chand meri ankh kay taare Asghar

Teer ek bar tou ek bar chalaye khanjar

Mere mazloom pisar

Zibha doo bar hua koi na aese Asghar

Ay mere chand meri ankh kay taare Asghar

Tum nay hans hans k rulaya tha jinhen mere pisar

Haye pathar lay kar

Ab Sakina say wahi lete hain badlay Asghar 

Ay mere chand meri ankh kay taare Asghar

Shamion ki naa nazar unkay khulay sar pey parey 

Apni behno k liye

Tum bhi Quran parho nok e sinaa say Asghar 

Ay mere chand meri ankh kay taare Asghar

Teer khatay hue khud dekha hay mene tumko

Ab to yeh zulm na ho

Koi pathar na lagay sar pey tumhare Asghar

Ay mere chand meri ankh kay taare Asghar

Pusht e khaima pey banatey thay lahad teri padar

Jhuk gayi meri qamar

Chand lamho ko teri laash utha ky Asghar

Ay mere chand meri ankh kay taare Asghar

Laash uthani hay mujhe baali Sakina ki abhi 

Maa takallum boli

Keh dey zalim say mere hath na bandhay Asghar

Ay mere chand meri ankh kay taare Asghar