Azmaton ki maalika ghasibon kay darbar me

Deen haq ki paasban zalimo kay darbar me

Haq Zehra mil na paya aur peher jatay rahay

Mansab e sher khuda par kam nasb atay rahay

Sabar ki thi inteha zulm ki bochaar me

Karbal ka har sitamgar tha isi darbar me

Har simt pinhan tha in kay zahiri kirdar me

Dikh rahi thi karbala hasidon ki guftar me

Dekhti hun sar me naizay pe Shah e mazloom ka

Sar khula dikhta hay mujhko Zainab o Kulsoom ka

Alatash ki hay sada tashna lab ki pukar me

Ashk behty jarhy hain samnay thi karbala

Aik din aega Zainab hogi is me mubtila

Hoga jab Akbar mera dushamno ki yalghaar me

Dar jalaya ghar giraya baandha Haider ka gala

Baba teri wasiyaton ka paya maine ye sila

Reh gaya Mohsin mera jaltay dar aur dewar me

Ay musalmano btao kya mai wo Zehra nahi

Aur jo cheena hay mujhse kya wo haq mera nahi

Kardun gar me bad-dua hoga kya sansar me

Dar haqeeqat haq o batil ki ye hi pehchan hay

Hay durud Aal e Nabi pe ghasibon pe laan hay

Bhejta hay khud khuda munkiron ko naar me