Baap kay gham me Sakina yun dilasay paegi

Jab bhi baba ko pukaraygi tamachay khaegi

Apnay baalon me basa kar apni turbat kay liye

Baap kay maqtal ki mitti qaid me le aegi

Kesi ghurbat hay kay kurta laegi besheer ka

Aur Sakina ki jaga maa goshwaray laegi

Jhurriyan chehre pe hongi baal sab hongy safaid

Shaam tak baali Sakina Fatima banjaegi

Apnay dur kaano me us kay dekh k roaygi wo

Haan magar ramla ko jatlatay hue sharmaegi

Neeli parr jae na kirnen neela chehra dekh kar

Roshni zindan me jatay hue ghabraegi

Maut hi Akbar sula paegi is masoom ko

Apni ankhon me jo mayyat baap ki dafnaegi