Baba ay musalman mujhay ronay nahi dete
بابا اے مسلماں مجھے رونے نہیں دیتے
ماتم تیرا زنداں میں بھی ہونے نہیں دیتے
بستر تیرا سینہ تھا جسے چھین لیا ہے
اب گود میں مادر کی بھی سونے نہیں دیتے
احساس یتیمی مجھے زنداں میں ہوا ہے
میں خاک پہ سوتی ہوں تو سونے نہیں دیتے
تھک جاتے ہیں سجاد تو بابا تیرے قاتل
بیمار میرے بھائی کو سونے نہیں دیتے
مرجائوں گی زندان کے اندھیروں میں سسکتی
اک کرن اجالے کی یہ ہونے نہیں دیتے
غش آتے ہیں سجاد کو پائوں میں ہیں چھالے
بیمار کو چھائوں میں یہ ہونے نہیں دیتے
ہائے آگ کی مانند ہیں سجاد کے زیور
زنجیر جدا تن سے یہ ہونے نہیں دیتے
بے پردہ نبی زادی ہیں بازار کھلے ہیں
کیوں بند بازاروں کو یہ ہونے نہیں دیتے
سردارؔ چلے لے کے جو سجادؑ جنازہ
شامل یہ جنازے میں بھی ہونے نہیں دیتے
Baba ay musalman mujhay ronay nahi dete
Matam tera zindan me bhi honay nahi dete
Bistar tera seena tha jisay cheen liya hay
Ab goud me madar ki bhi sonay nahi dete
Ehsas e yateemi mujhy zindan me hua hay
Mai khaak pe soti hun tou sonay nahi dete
Thhak jatay hain Sajjad tou baba tere qatil
Bemar mere bhai ko sonay nahi dete
Marr jaungi zindan kay andheron me sisakti
Ik kiran ujalay ki ye honay nahi dete
Ghash atay hain Sajjad ko paon me hain chhalay
Bemar ko chhaon me ye honay nahi dete
Haye aag ki manind hain Sajjad kay zewar
Zanjeer judaa tann se ye honay nahi dete
Be parda nabi zadi hain bazar khulay hain
Kyun band bazaron ko ye honay nahi dete
Sardar chalay lay kay jo Sajjad janaza
Shamil ye janazay me bhi honay nahi dete