Baba mere baba

Haye Akbar haye Akbar haye Akbar

Akbar nay sina khayi hai unko na batana

Baba phuphi amma se mera zakhm chupana

Kis tarhan se dekhein gi wo ham dono ki ghurbat

Wo roeen to aa jayein gi khamon main qayamat

Main zakhm chupa leta hon tum aansu chupana

Baba phuphi amma se mera zakhm chupana

Tasweer e Muhammad hai baray nazo'n se paali

Mar jaye na khaime me meri paalnay wali

Harghiz ye mera hath na sine se hatana

Baba phuphi ama se mera zakhm chupana

Maari hai sina seenay pe ye kah ke laeen ne

Pholon ki tarhan pala hai Akbar ko phuphi ne

Lashe pe aba khemon se pehle hi urhana

Baba phuphi ama se mera zakhm chupana

Iss bar shahadat ko utha legi imamat

Bhai se chupana nahi ik bhai ki ghurbat

Sajjad ko tafseer shahadat ki sunana

Baba phuphi ama se mera zakhm chupana

Mamta unhein lashe pe mere layegi baba

Be saakhta wo muj se lipat jaye gi baba

Mumkin ho to lashe se unhein dur hatana

Baba phuphi ama se mera zakhm chupana

Jo khaak bhari hai mere balon se chhura do

Chehre pe lahu hai mere daman se hata do

Wo zid jo zyada karay bas chehra dikhana

Baba phuphi ama se mera zakhm chupana

Yun naiza sitamgaar ne mara mere baba

Pehlu bhi shikasta hai hamara mere baba

Yad aaye ga dadi ka unhain zakham purana

Baba phuphi ama se mera zakhm chupana

Iss haal main de sabr khuda bint e Ali ko

Akbar ka salam aakhri keh dena phuphi ko

Zinda bara mushkil hai mere khaimay me jana

Baba phuphi ama se mera zakhm chupana

Har baat meri aap ki behon kay liye hai

Bas aik wasiyat meri Sughra kay liye hai

La kar khat e Sughra mere lashay pe sunana

Baba phuphi ama se mera zakhm chupana

Dam torte Akbar ko na pohnche koi sadma

Mun phayr ke yun rotay ho maloom hai baba

Par samnay sadaat ke ansu na bahana

Baba phuphi ama se mera zakhm chupana

Haye us aakhiri hichki main takullum huwa mehshar

Akbar ne kaha hath jo peshani pe rakh kar

Lo hum ko ijazat do hamen dur hai jana

Baba phuphi ama se mera zakhm chupana