Baba tere bagher bhala kese jiyungi

Tanha rahungi qaid me zindaan me marungi

Roti hui behna ko chacha chhor na jana

Ye akhri rishta bhi kaheen torr na jana

Pani kay liye aap se ab mai na kahungi

Hay bheer qayamat ki pathron ki hay barsaat

Mai haath uthaun tou mitt jae kainaat

Ye bad-dua jahan kay liye mai na karungi

Baba ko dekhti thi tou atay thay nazr teer

Ik pal me Sakina se juda hogye Shabbir

Seenay se laga lo mjhy ab kissay kahungi

Baba ka rasta rok kay raahon me khari hay

Masoom Sakina pe qayamat ki ghari hay

Ro ro kay ye kehti hay kay janay nahi dungi

Khaimay bhi jala dalay jala dalay hain Quran

Phir bhi ye apnay aap ko kehty hain musalman

Hay baat baray dukh ki ye nana se kahungi

Guzray gi kis tarhan se meri sham e ghareeban

Asghar ko sada dungi mai laashon kay darmiyan

Haathon me pani hoga magar mai na piyungi

Mai Aal e Muhammad ka hun anmol nageena

Rakha hay aap hi ne mera naam Sakina

Ab qaidi sagheeron ki mai salaar banungi

Tasweer Payambar ki dikha kyun nahi dety

Baba mjhy Asghar se mila kyun nahi dety

Ye sadma judayi ka bhala kese sahungi