Bain karta hua khaak urata huaa tashna lab be rida lo chala qafla

Sun kay shor o fughan aik kohram hay bar sar e karbala lo chala qafla

Rasm e parda gari jis kay ghar se chali shahzadi wahi berida hogyi

Marr na jae kaheen gham se bint e Ali haye ab hoga kya lo chala qafla

Apni surat dikha do mujhay meri jaan phir khuda janay aana ho ya kay na ho

Ao Akbar utho hum ko rukhsat kro maa ne ro kay kaha lo chala qafla

Sani e Fatima bint e sher e khuda kese bazar me jaegi be rida

Kese tey hoga wo shaam ka rasta ro rahi hay fiza lo chala qafla

Pyar se jisko paala tha Shabbir ne isko jakra gaya tauq o zanjeer se

Raah e pur khuar par pa barehna safar kese hoga bhala lo chala qafla

Raakh khaimay hue sab asasa luta hay sahara Payambar ka kunba hua

Shaam ghurbat kay qaidi chalay sham ko le chalay ashqiya lo chala qafla

Hain nabi zaadiyan sar khulay be rida kya ghazab hogaya kya sitam hogaya

be kajawa sawari aur aal e aba shor matam utha lo chala qafla

Jinki chahat pe konain ko naaz hay jiska sani zamanay me koi nahi

Chahnay walay wo bhai aur wo behen horhy hain judaa lo chala qafla

Chaar janib se ye arhi hay sada alvida alvida alvida alvida

Apnay pyaron kay lashon se ho kar juda khoon rota hua lo chala qafla

Haal is waqt ka kese gohar likhay dekh kar suay maqtal sabhi ro diya

Sab shaheedon kay lashay tarapnay lagay jan ye ayi sada lo chala qafla