Bano ye Abid ko batla rahi hai meri Sakina ko neend aa rahi hai
بانو یہ عابد کو بتلا رہی ہے
میری سکینہ کو نیند آ رہی ہے
کہہ دو ہوائوں سے آہستہ آئیں
کہہ دو پرندوں سے غُل نہ مچائیں
کہہ دو اندھیروں سے واپس نہ جائیں
جاگی ہوئی چین کچھ پا رہی ہے
شاید رسن کی اذیت ہوئی کم
مدہم کرو بیبیوں شورِ ماتم
سجاد زنجیر بولیں نہ اس دم
شاید غموں کی گھڑی جا رہی ہے
زندان کا در اب زور سے نہ کھولو
اے پہرہ دارو اب آہستہ بولو
تم بھی تو جاگے ہو کچھ دیر سو لو
بابا کی خوشبو اسے آ رہی ہے
کہ اب دھڑکنِ دل بھی اس پہ گراں ہے
نہ بھائی ہے نزدیک نہ اس کے ماں ہے
کانوں سے خون گو کےاب بھی رواں ہے
مگر آنکھ بوجھل یہ سمجھا رہی ہے
یہ شامِ غریباں کی جاگی ہوئی ہے
تماچوں کے ڈر سے نہیں سو سکی ہے
ذرا اب گلے سے رسن جو کھُلی ہے
سکوں سے جو اب سانس لے پا رہی ہے
میں خوش ہوں کے سوئے گی میری دُلاری
میں قربان اس کے میں اب اس کے واری
بہت سہہ چُکی دُکھ یہ غازی کی پیاری
مگر نبض کچھ اور بتلا رہی ہے
مگر یہ ہوا کیا کے زندان رویا
بدن روح کے ساتھ بچی کا سویا
نہ جاگی وہ عابد نے شانہ ہلایا
اور اب ماں یہ کہتے بھی شرما رہی ہے
کہاں تک لکھوں گا میں ریحان نوحہ
کبھی شام جائوں تو دیکھوں وہ روضہ
جہاں قیدی بچی کا مرقد ہے تنہا
جہاں ماں ابھی بھی کہے جا رہی ہے
Bano ye Abid ko batla rahi hai
Meri Sakina ko neend aa rahi hai
Kehdo hawaon se aahista aayein
Kehdo parindo se ghul na machayein
Kehdo andheron se wapas na jayein
Jaagi hui chain kuch pay rahi hai
Shayad rasan ki aziyat hui kam
Madham karo bibiyon shor e matam
Sajjad zanjeer bolay na is dum
Shayad ghamo ki ghari ja rahi hai
Zindan ka dar ab zor se na kholo
Ay pehredaro ab aahista bolo
Tum bhi to jaage ho kuch dayr so lo
Baba ki khusboo isay aa rahi hai
Kay ab dharkan e dil bhi is pe giraan hai
Na bhai hay nazdeek na iskay maa hai
Kano se khoon go-kay ab bhi rawan hai
Magar aankh bojhal ye samjha rahi hai
Ye sham e ghariban ki jaagi hui hai
Tamachon kay darr se nahi so saki hai
Zara ab galay se rasan jo khuli hai
Sukoon se jo ab saans le pay rahi hai
Main khush hoon kay soeegi meri dulaari
Mai qurban is kay main ab is kay waari
Bohat seh chuki dukh ye Ghazi ki pyari
Magar nabz kuch aur batla rahi hai
Magar ye hua kya kay zindaan roya
Badan rooh kay saath bachi ka soya
Na jaagi wo Abid ne shana hilaaya
Aur ab maa ye kehte bhi sharma rahi hai
Kahan tak likhunga mai rehan noha
Kabhi shaam jaaun to dekhun wo rauza
Jahan qaidi bachi ka marqad hay tanha
Jahan maa abhi bhi kahay ja rahi hai