Bazar kay manzar ko aur apnay khulay sar ko bhooli nahi mai
بازار کے منظر کو اور اپنے کھلے سر کو بھولی نہیں میں
اپنے بندھے ہاتوں کو بیمار کے زیور کو بھولی نہیں میں
اُٹھتی ہوئی آندھی کو وحشت کو بیاباں کو
چھپتے ہوئے سورج کو تاریکی کو میداں کو
چلتے ہوئے خنجر کو نیزے پہ ترے سر کو بھولی نہیں میں
معصوم سکینہؑ کو بڑھتے ہوئے نیزوں کو
رستے ہوئے گالوں کو بے رحم طمانچوں کو
رستے ہوئے کانوں کو کھنچتے ہوئے گوہر کو بھولی نہیں میں
لہراتے ہوئے نیزہ ہائے شمر کا وہ بڑھنا
آ آ کے مرے پیچھے ہر بی بی کا وہ چھپنا
شعلوں میں گھرے گھر کو چھنتی ہوئی چادر کو بھولی نہیں میں
جس رات میں تنہا تھی اُس رات کے ڈھلنے کو
ٹوٹے ہوئے نیزے کو اُس رات کے پہرے کو
بچوں کے سسکنے کو اور راکھ کے بستر کو بھولی نہیں میں
یاد آجاتا ہے اک ماں کا وہ خاک میں دھنس جانا
اور آگ کے شعلوں میں وہ ماں کا جھلس جانا
جلتے ہوئے جھولے سے لپٹی ہوئی مادر کو بھولی نہیں میں
فضّہ کو مرا بھائی ماں کہہ کے بلاتا تھا
دم اُس کا مرے بھائی کے نام پہ جاتا تھا
رُتبے میں جو ماں بن کر آئی اُسی مادر کو بھولی نہیں میں
اک چاند تھا بدلی میں چھپتا تھا نکلتا تھا
پردہ درِ خیمہ کا اُٹھتا کبھی گرتا تھا
وہ خیمۂ لیلیٰؑ سے ہائے رخصتِ اکبرؑ کو بھولی نہیں میں
ہے آج بھی وہ گریہ، ہے آج بھی وہ زاری
ہے آج بھی پتھر کے سینے سے لہو جاری
روتے ہوئے پتھر کو پتھر پہ رکھے سر کو بھولی نہیں میں
یاد آتا ہے دلہن کو غش کس طرح آئے تھے
اک گھٹڑی شہہِ والا جب کاندھوں پہ لائے تھے
اُس لاش کی گھٹڑی کو اُس خوں بھری چادر کو بھولی نہیں میں
ان شام کی گلیوں کو جن سے کھلے سر گزرے
جس در سے گزرنے میں تھے سولہ پہر گزرے
دربار کے اُس در کو اور شامیوں کے شر کو بھولی نہیں میں
آتی ہے نویدؔ اب بھی آواز یہ زینبؑ کی
ہے مجھ کو قسم صدیوں سے سوکھے ہوئے لب کی
پیاسے علی اصغرؑ کو سوکھے ہوئے ساغر کو بھولی نہیں میں
Bazar kay manzar ko aur apnay khulay sar ko bhooli nahi mai
Apnay bandhay haathon ko bemar kay zewar ko bhooli nahi mai
Uthti hui aandhi ko wehshat ko bayaban ko
Chhupty hue suraj ko tareeki ko maidan ko
Chaltay hue khanjar ko naizay pe tere sar ko bhooli nahi mai
Masoom Sakina ko barhty hue naizon ko
Ristay hue gaalon ko be rehm tamachon ko
Ristay hue kaano ko khinchty hue gohar ko bhooli nahi mai
Lehraty hue naiza haye shimr ka wo barhna
Aa aa kay mere peechay har bibi ka wo chhupna
Sholon me ghiray ghar ko chhinti hui chadar ko bhooli nahi mai
Jis raat me tanha thi us raat kay dhalnay ko
Tutay hue naizay ko us raat kay pehray ko
Bachon kay sisaknay ko aur raakh kay bistar ko
Yaad ajata hay ik maa ka wo khaak me dhans jana
Aur aag kay sholon me wo maa ka jhulas jana
Jaltay hue jhoolay se lipti hui madar ko bhooli nahi mai
Fizza ko mera bhai maa keh kay bulata tha
Dam uska mere bhai kay naam pe jata tha
Rutbay me jo maa ban kar ayi usi madar ko bhooli nahi mai
Ik chaand tha badli me chhupta tha nikalta tha
Parda dar e khaima ka uthta kabhi girta tha
Wo khaima Laila se haye rukhsat e Akbar ko bhooli nahi mai
Hay aaj bhi wo girya hay aaj bhi wo zaari
Hay aaj bhi patthar kay seenay se lahu jaari
Rotay hue pathar ko pathar pe rakhay sar ko bhooli nahi mai
Yaad aata hay dulhan ko ghash kis tarhan aye thay
Ik gathri Shah e waala jab kaandhon pe laaye thay
Us laash ki gathri ko us khoon bhari chadar ko bhooli nahi mai
Un shaam ki galion se jin se khulay sar guzray
Jis dar se guzarnay me thay soula peher guzray
Darbar kay us dar ko aur shamion kay shar ko bhooli nahi mai
Aati hay naved ab bhi awaz ye Zainab ki
Hay mujhko qasam sadion se sookhay hue lab ki
Pyasay Ali Asghar ko sukhay hue saghar ko bhooli nahi mai