Bint e Zehra kay khulay sar se judaa qaid rahi

Saal bhar maal e ghaneemat me rida qaid rahi

Karliya logon ne Abbas kay sar ko qaidi

Haye yun Fatima Zehra ki dua qaid rahi

Sar kay baalon me jami pairon kay chhaalon me chhupi

Saath har qaidi kay yun karbobala qaid rahi

Waqt ne rauzay me zindan ko badal daala magar

Wo jo qaidi thi wo bachi tou sada qaid rahi

Pucha Abdullah ne jab shaam ka sab haal e safar

Janay kis dil se ye Zainab ne kaha qaid rahi

Farsh matam pe ye dua hoti kay matam Akbar

Aankh behti rahi honton pe dua qaid rahi