Boli maa khasta jigar aakhri lori sunlo
بولی ماں خستہ جگر آخری لوری سن لو
اے میرے نورِ نظر آخری لوری سن لو
میرا ارمان میری جان میری آس ہو تم
اپنی ماں کے لئے اصغرؑ نہیں عبّاسؑ ہو تم
آج کی رات غنیمت ہے میرے پاس ہو تم
اے میرے رشکِ قمر آخری لوری سن لو
سونی کر کے میری گودی مجھے ٹرپاؤ گے
چھوڑ کر روتی ہوئی ماں کو چلے جاؤ گے
ایسے جاؤگے کہ واپس نہیں آؤ گے
دور کا ہے یہ سفر آخری لوری سن لو
میری آغوش میں آخری شب ہے پیارے
اس تصور سے میرے چلتے ہیں دل پر آرے
صبح بہہ جائیں گے ان میں تیرے خوں کے دھارے
تجھ کو آئے گی قضاآخری لوری سن لو
کل سردشتِ بلا ہو گا قیامت کا سماں
تم خدا جانے کہاں ہو گے کہاں ہوگی یہ ماں
راکھ رہ جائے گی کل آج یہ خیمے ہیں جہاں
کل اجڑ جائے گا گھر آخری لوری سن لو
کہہ رہے تھے ابھی ہائے شہہؑ کرب و بلا
قتل ہو جائے گی اس دشت میں کل فوجِ خدا
اے میرے لال لرزتا ہے کلیجہ میرا
رات جائے نہ گزرآخری لوری سن لو
حشر کا لمحہ تھا گوہرؔ وہ قیامت کی گھڑی
کروٹیں لیتا تھا شہزادہ تڑپتا تھا کبھی
درد میں ڈوبی ہوئی سن کے صدا مادر کی
آ گیا وقتِ سفر آخری لوری سن لو
Boli maa khasta jigar aakhri lori sunlo
Ay mere noor e nazar aakhri lori sunlo
Mera armaan meri jaan meri aas ho tum
Apnay maa kay liye Asghar nahi Abbas ho tum
Aaj ki raat ghanimat hay mere paas ho tum
Ay mere rashk e qamar aakhri lori sunlo
Sooni kar kay meri goudi mujhay tarpaogy
Chhor kar roti hui maa ko chalay jaogy
Aese jaogy kay wapas nahi aogy
Dur ka hay ye safar aakhri lori sunlo
Meri aaghosh me aakhri shab hay pyaray
Is tasweer se mere chaltay hain dil par aaray
Subha beh jaengy in me tere khoon kay dhaaray
Tujhko aegi qaza aakhri lori sunlo
Kal sar dasht e bala hoga qayamat ka saman
Tum khuda janay kahan hogy kahan hogi ye maa
Raakh reh jaegi kal aaj ye khaimay hay jahan
Kal ujar jaega ghar aakhri lori sunlo
Keh rahay thay abhi haye Shah e karbobala
Qatl hojaegi is dasht me kal fauj e khuda
Ay mere laal larazta hay kaleja mera
Raat jae na guzar aakhri lori sunlo
Hashr ka lamha tha gauhar wo qayamat ki ghari
Karwaten leta tha shehzada tarapta tha kabhi
Dard me doobi hui sun kay sada madar ki
Agaya waqt e safar aakhri lori sunlo