Chadaron ka naam sun kar ro pari bint e Ali shaam kay bazar me

Wa hijaba keh rahi thi Syeda ki laadli shaam kay bazar me

Kursion par qatilaan e shah thay bethay hue

Saya e dewar me thay sab haram lekin kharay

Bawafa ko dhundti thi dukhtar e sher e jali shaam kay bazar me

Kaun hay Zainab pukara jis ghari firaun e sham

Haye ghurbat keh kay utha tha mera qaidi imam

Ashk khoon kay ro raha tha shah ka beta Ali shaam kay bazar me

Hukm hakim ne sunaya maar do bemar ko

Is jaga hi qatl krdo qafila salar ko

Gir pari Abid kay upar haye naazon se pali shaam kay bazar me

Zalimo ko mil rahay thay zulm karne pe inaam

Qehqahon par qehqahay thay jaam par chalty thay jaam

Rotay rotay sham logon aal e Ahmed ki dhali shaam kay bazar me

Jab Ali Akbar kay sar ko samnay laya gaya

Hogayi behosh maa se na smbhal paya gaya

Dukhtaran e Fatima parhnay lageen naad e Ali shaam kay bazar me

Tasht me baba kay sar par jab pari us ki nazar

Apnay zakhmon ki rahi na phir Sakina ko khabar

Dorti baba ki janib laadli beti chali shaam kay bazar me

Zainab e kubra ne ro kar jis ghari khutba diya

Haye ay tauqeer Abid ka badan tha kaanpta

Hathkari par maarta tha sar wali ibn e wali shaam kay bazar me