Chal diye Shabbir ya rab sar jhukanay kay liye

Kaun hay ab chadar e Zainab ko bachanay kay liye

Hashar tak deorhi me maa karti rahaygi intezar

Bhej kar besheer ko pani pilanay kay liye

Mil gaye Haider ka dil zabt e Hassan sabr e Hussain

Gardan e Asghar se paikaan kheench lanay kay liye

Choom kar bazu kaha Shabbir ne hum tou chalay

Tum raho tayar Zainab shaam janay kay liye

Jin ki aamad se bana but-khana ay khana khuda

Reh gayi aulad unki qaid khanay kay liye

Laash Asghar goud me hay aur laashon par nazar

Shah kisay awaz den turbat banany kay liye

Qabr e Asghar khud bana li Fatima kay laal ne

Goud me jhoolay kay aadi ko sulanay kay liye

Aa kay yaan Abbas dekhen beykasi Shabbir ki

Aayeen Zainab zeen par Shah ko bithanay kay liye

Kyun rahen zulmat hum jab kay nisar apnay Hussain

Noor ka menaar hain saray zamanay kay liye