Chal paray Shabbir karbal hogaya veeran madina

Roti Akbar tujhko Sughra reh gayi tanha madina

Sar bhi dunga ghar bhi dunga behnon ki chadar bhi dunga

Deen bachanay kay liye naujawan Akbar bhi dunga

Ab na zinda laut kar mai aunga nana madina

Behnen le kar haram le kar karbala ko jarha hun

Aik gham hay mere dil me jisko le kay jarha hun

Nana ummat ne nahi di qabr ki bhi jaa madina

Ro raha hay aik sehra de raha hay wo sadaein

Khoon khudara de kay apna maula mjhko aa basaen

Ban jaunga mai muqaddas jis tarhan makka madina

Subha ashur jo goonji ban me Akbar ki azaan

Behnen royi phuppiyan royi roti hay Akbar ki maa

Sun kay royi behen bichhri bhai ki azaa madina

Jab chala tha qafila ye oonton ki thi sau qataren

Aaj shahid bibion ki koi sunta na pukaren

Teen mehmil ik muhari qafila lauta madina