Chali yasrab se aal e Mustafa kohram barpa hay

Lipat kar Fatima ki qabr se Shabbir tarpa hay

Juda kunba hua Sughra hay tanha ghar me ronay ko

Na Akbar lene aye hain na dekhi karbala kya hay

Tamachon kay sitam sehti rahi khamosh aahon me

Lahu jaari hay kaano se Sakina ki khata kya hay

Sina ki nok se girta hua khoon dil e Akbar

Raha likhta salam alvida bechen Sughra hay

Hay darya me talatum atay hain Abbas pani ko

Qaza gheray hay Ghazi ko pyasi aal e Zehra hay

Na thay waris ridaen chhin gyeen hay khaimay jalay aakhir

Tarap kar Zainab e muztar ne Abid ko pukara hay

Hay lasha khaak par aaluda e khoon be kafan ran me

Ajab ghurbat me bhai dasht me Zainab ka bichra hay