Chaon me teghon ki yasrab ka musafir sogaya

Deen bachanay ko faqat baqi hay Zainab ki rida

Kis kay seenay par mai soun mujhko neend aati nahi

Rakh kay sar baba kay lashay pe Sakina ne kaha

Hum nahi aengy ab aur tum tamachay khaogi

Choom kar beti ka sar Shabbir bekas ne kaha

Chhor kar roti Sakina aye maidaan me Hussain

Shah ko bichhri hui beti ka khatt bhi agaya

Boli Zainab ab hamari chadaren lutt jaengi

Khoon me dooba hua jab nazar aya alam Abbas ka

Ho khuda hafiz kay phir tum se na milnay paungi

Bhai gardan kay bosay le kar Zainab ne kaha

Raat ko aogy baba ye bata kar jaeye

Royi baba se lipat kar aur Sakina ne kaha

Qatl krdety Muhammad ko musalman be daregh

Raaz ye karbobala me qatl e Akbar se khula

Dhundnay nikli hay laashon me Sakina baap ko

Neel go rukhsar hain kaano se khoon behta hua

Hu ka aalam hay kay kuch lashay paray hain be kafan

Goonjti hay dasht me ik wa Hussaina ki sada

Kaan dukhtay hain tou uthti hay tarap kar neend se

Puchti hay maa tere sadqay Sakina kya hua

Aag kya phir se lagi hay daman e quran me

Phir khayam e Mustafa se hay dhuan uthnay laga

Reh gayi tanha Ali ki betiyan ban me nisar

Samnay lashay paray hain warison kay jabaja