Chorta hun mai watan deen ko bachanay kay liye

Jo kiya wada azal me wo nibhanay kay liye

Agaya wo din bhi shiddat se tha jiska intezar

Bethi hay tayar Zainab sath janay kay liye

Kardiya majboor mujhko karne aya hun salam

Ja raha hun karbala wapas na anay kay liye

Hogayi nana mukammal sab meri qurbaniyan

Aagaya dunya me Asghar teer khanay kay liye

Tarpi hay Zainab abhi tak khoon rota hay Sajjad

Phir koi isko na keh de shaam janay kay liye

Kanpty hain saray insan maut ki dehleez par

Dil Ali Asghar ka chahiye muskuranay kay liye

Sookhay lab masooma kay dekhay tou Ghazi ne kaha

Jaraha hun mai Sakina pani lanay kay liye

Dhhal gaya aashur ka din chha gayi tanveer raat

Aag latay hain shaqi khaimay jalanay kay liye