Garm reti pa main girta hun sambhalo amma
عصر کا وقت ہے شبیر کی آتی ہے صدا
چور زخموں سے بدن ہوگیا اماں میرا
اپنی آغوش میں اب مجھ کو چھپالو اماں
ارے دھوپ ہے اپنی عبا آن کے ڈالو اماں
گرم ریتی پہ میں گِرتا ہوں سنبھالو اماں
تھک گیا لاش اُٹھا کر میں بھرے لشکر کی
لاش قاسم کی میں لایا ہوں کبھی اکبر کی
خود بنائی ہے لحد میں نے علی اصغر کی
دو تسلی مجھے سینے سے لگا لو اماں
تیر تلواروں سے خنجر سے بدن زخمی ہے
خاک جلتی ہے تو زخموں میں چبھن ہوتی ہے
میرے زخموں سے میرے دل کا لہو جاری ہے
اپنی چادر کو میرے زخموں پہ ڈالو اماں
میرا عباس خفا ہوگیا اماں مجھ سے
وہ نہیں آیا اُٹھا لایا تھا بازو اُس کے
آپ اک کام کریں نہر کنارے جاکے
میرے رُوٹھے ہوئے بھائی کو منالو اماں
چکیّاں پیسی ہیں گودی میں بیٹھا کر مجھ کو
جاگتی رہتی تھیں زانوں پہ سُلا کر مجھ کو
لوریاں دیتی تھیں جھولے میں جھلا کر مجھ کو
اک دفا گود میں پھر اپنی سُلا لو اماں
اور کچھ دیر کا مہمان ہوں تم پاس رہو
ریت زخموں میں ہے آنچل سے اُسے صاف کرو
آتی ہے رونے کی آوازِ سکینہ دیکھو
جائو تم جا کے سکینہ کو سنبھالو اماں
دیکھو وہ آگ لگی شامِ غریباں آئی
دیکھو گھبرا کے نکل آئی میری ماں جائی
دیکھو بے ہوش سکینہ کا پڑا ہے بھائی
جائو سجاد کو شعلوں سے نکالو اماں
ہے گزارش میری تم سے تو اب اتنی مادر
اماں بابا کی قسم ڈھانپ لو منہ پر چادر
دیکھا جائے گا نہ اب تم سے یہ خونی منظر
قتل ہوتا ہوں نگاہوں کو ہٹالو اماں
ہوگی جب حشر کے میدان میں مجلس برپا
فرشِ غم شہہ کا بچھائیں گی جنابِ زہرا
آئے گی حضرتِ شبیر کی ریحان صدا
آج جی کھول کے تم اشک بہا لو اماں
Asr ka waqt hai shabbir ki aati hai sada
Chur zakhmo se badan hogaya amma mera
Apni aagosh may ab mujko chupalo amma
Arey dhoop hai apni abaa aan ke dalo amma
Garm reti pa main girta hun sambhalo amma
Thak gaya lashay utha kar mai bharay lashkar ki
Laash Qasim ki mai laaya tha kabhi Akbar ki
Khud banayi thi lahad maine Ali Asghar ki
Do tasalli mujhe seene se lagalo amma
Taygh talwaron se, khanjar se badan zakhmi hai
Khaak jalti hai to zakhmo may chubhan hoti hai
Mere zakhmo se mere dil ka lahoo jaari hai
Apni chaadar ko mere zakhmon pe daalo amma
Mera Abbas khafa hogaya amma mujhse
Wo nahi aaya utha laaya tha baazu uske
Aap ek kaam karay nehr kanare jaake
Mere roothe huwe bhai ko manalo amma
Chakkiyan peesi hai goudi may bitha kar mujhko
Jaagti rehti thi zaanu pe sulaa kar mujhko
Loriya deti thi jhoolay may jhula kar mujhko
Ek dafa goud may phir apni sula lo amma
Aur kuch dayr ka mehmaan hun tum paas raho
Rayt zakhmo may hai aanchal se usay saaf karo
Aati hai rone ki aawaz e Sakina dekho
Jao tum jaake Sakina ko sambhalo amma
Dekho wo aag lagi sham e ghariba aayi
Dekho ghabra ke nikal aayi meri maajayi
Dekho behosh Sakina ka para hai bhai
Jao Sajjad ko sholon se nikalo amma
Hai guzarish meri tumse to ab itni maadar
Amma baba ki kasam dhaanp lo mu par chadar
Dekha jayega na ab tumse ye khooni manzar
Qatl hota hun nigahon ko hata lo amma
Hogi jab hashr ke maidan may majlis barpa
Farsh e gham Sheh ka bichaengi janab e Zehra
Aayegi hazrat e Shabbir ki Rehan sadaa
Aaj jee khol ke tum ashk bahalo amma