Har saans matami ki Shabbir tere naam

Allah kar raha hay maula tjhay salam

Aayat kar rhi hain maula teri tilawat

Hay deen e Mustafa ki zamin teri shahadat

Jo kar na paya koi tu ne kiya wo kaam

6 maah ki amanat rann me chupayi tu ne

Jalti hui zameen pe turbat bnayi tu ne

Tegh e Ali se maula kesa liya hay kaam

Mal kar wazu ki khatir chehray par khoon Asghar

Be jaa namazion ki rann me safein bicha kar

Shabbir kar rahay hain sajday ka ehtemam

Ghar lutt gaya hay sara betay bachay na bhai

Nok e sina se dekhi behno ki be ridayi

Tujh par hui hay maula mazloomiyat tamam

Kesa muhabbaton me taqseem hogaya hay

Betay kay sath lasha rann me para hua hay

Naizay par sar gaya hay beti kay sath sham

Karbobala se paidal pur khuar raston par

Ayega roz milnay Ghazi ko sath le kar

Jab tak krengi Zainab zindaan me qayam

Mera banay thikana karbobala ki jannat

Har dum hay ye takallum momin kay dil ki hasrat

Mai bhi kafan na paun ay be kafan imam