Hath pehlu se hataya nahi jata baba

Dard ne kar diya Zahra ko zaeefa baba

Meri tazeem na ki hath uthaya usne

Samnay beton ke tu keh ke bulaya usne

Bhulun kaisay main ummat ka rawaiyya baba

Ab woh darbar kahan baba mere qabil hai

Mera qatil bhi wohi hai jo tera qatil hai

Tere qatil ne mujhe mara tamancha baba

Yeh na socha keh Nabi aa ke jahan ruktay thay

Jahan Hasnain o Ali sham o sahar jhuktay thay

Teri Zahra pe woh darwaza giraya baba

Rassi sartaj ki shehrag ke qareen roti hai

Un ki talwar bhi ab zair e zameen roti hai

Chhup ke kartay hain Ali raat ko girya baba

Dard itnay hain keh sare main sunaon kaisay

Zakhm aisay hain keh Haider ko dikhaun kaisay

Saray zakhmon ki gawah hai meri Fizza baba

Laash e Abbas pe sadiq yeh khulay ga uqdah

Aik hi mohsin o Abbas ka qatil hoga

Dushmani hogi kahan iss se zyada baba