Haye kyun na kiya lasha mazloom dafan tera

Maqtal ki khaak ban gyi Shabbir kafan tera

Ab kaun bachanay ko aega madinay se

Hay dur karbala se Shabbir watan tera

Ik din me kayi lashay niklay hain tere ghar se

Aabad ab na hoga Zehra ye sehen tera

Ujri hui Zainab ne maqtal me tere aa kar

Pathron se hay nikala Shabbir badan tera

Shabbir kay lashay se awaz ye aati thi

Har zakhm se zada hay dard behen tera

Maa kehti thi Qasim ki uth laal laga mehndi

Tere lashay pe layi hay Zainab bhi shugan tera

Akbar ka kaheen lasha kaheen bazu hain Ghazi kay

Ujra hay barchion se haye baagh adan tera

Sajjad muhari ko jakra hay zanjeeron se

Kunba chala hay kufay paband e rasan tera

Har phool ko naizay pe be jurm sajaya hay

Lutt kay bhi sar buland hay Shabbir chaman tera

Pyasa hun kayi din se mujhay pani pila dena

Suna kese hurmula ne Asghar ye sukhan tera

Mazloom kay nohay tum be khauf likho aadil

Zehra karengi pukhta inshallah ye funn tera