Haye Musa Kazim ki mayyat ko rulaya kyun

Ummat ne Muhammad ki beti ko staya kyun

Mere laal mai Zehra hun teri laash pe ayi hun

Mai tanha nahi ayi Zainab ko bhi layi hun

Mai logon se puchungi ye zulm kamaya kyun

Kya kahuf e khuda na tha zulmat kay khudaon me

Jab tauq thay gardan me zanjeer thi paaon me

Phir itni bulandi se lashay ko giraya kyun

Baghdad me kya saray ahl e eman na thay

Wo loug darinday thay ya phir insan na thay

Ayub ne tanha hi lashay ko uthaya kyun