Jaltay darwazay kay pechay syeda roti rahi

Thaam kar pehlu shikasta fatima roti rahi

Zulm ki had ho gae zahra pay baad e mustafa

Hae veranon main jakay gham zada roti rahi

Uski mazlomi par ab tak ro rahi hay kainaat

Keh kay jo subbat alayya ja baja roti rahi

Shehr ki abadiyon say dur jakar ghamzada

Shab kay sannatay main binte mustafa roti rahi

Aaj bhe awaz aati hay yeh bait ul huzn say

Meri ghurbat pay madinay ki fiza roti rahi

Saaf baalon say jo ki dukhya nay maqtal ki zameen

Dekh kar us ko zameen e karbala roti rahi

Kiun na ham matam karain mazlooma e konain ka

Ay muhib jo baap say ho kay juda roti rahi