Jisne sada se pehly hamesha ataa kiya

beti usi ki bann kay sawali khari rahi

Jo samjhay musalman musibat yahi hai

Keh darbari baithay hain Zahra khari hai

Sitam hai Muhammad ki tehreer parh kar

Sabhi hans rahe hain wohi ro rahi hai

Hijab e Khuda hai jo Bint e Nabi hai

Woh darbar mein janay kab se khari hai

Diya aisay ummat ne baba ka pursa

Batool apnay pehlu ke bal gir pari hai

Bata mujh ko amma mera jurm kya tha

Yeh Mohsin ki ab bhi sada aa rahi hai

Karay gi na Zahra ab apna koi gham

Ali ke galay mein rasan dekh li hai

Khayal aa gaya be rida betiyon ka

Woh Ghazi ka kurta jabhi see rahi hai

Hai mushkil bara qabr e Zahra banana

Ali ke labon pe bhi nad e Ali hai

Batool ab bhi qabr e shikasta se ahsan

Imam e Zaman ko sada de rahi hai