Ya Hussain ya Hussain ya Hussain

Ya Qateel e jafaa

Haye ghareeb Hussain

Haye ghareeb Hussain

Kaata gaya hai dasht mein ek bhai ka galaa

Behnon ke saamne

Khanjar talay Hussain ne Ghazi ko di sadaa

Behnon ke saamne

Wo jaanta hai Aal e Nabi hai khari hui

Quran pe paon rakhta hai zalim ghari ghari

Zulfen pakadke Shaah ki hansta hai be haya

Behnon ke saamne

Khanjar wo kund aur woh sukhi hui ragein

Chup chap seh li bhai ne saari aziyatein

Majburiyon ne Sheh ko tarapne nahi diya

Behnon ke saamne

Baba ko maarta hai wo daulat ke waaste

Hai jiske paas jo mere daman mein daal de

Phaila ke haath deti hai bachi koi sadaa

Behnon ke saamne

Kaise bachane bhai ko wo bhai aayega

Zainab pukari ab usay koi na de sadaa

Sharminda hoga dasht mein Abbas e bawafa

Behnon ke saamne

Sheh keh rahe the daal do chadar ko jism par

Mujh par paray na Zainab o Kulsoom ki nazar

Tey kaise hoga qatl ka amma ye marhala

Behnon ke saamne

Har beti buturaab ki ye dekhti rahi

Do bhaiyon pe kaisi qayamat guzar gayi

Ek ke badan mein teer thay teeron pe ek tha

Behnon ke saamne

Tha karbala ke bann mein takallum ajeeb haal

Apne lahu mein laal hua Fatima ka laal

Sajde se sar Hussain ka naize pe aagaya

Behnon ke saamne