Kar madad meri baqir beta hamsheer ki qabr banaun main
سکینہ مر گئی زندان میں جب یہ شور اُٹھا
الم سے زرد تھا اُس دم ہر اک کا چہرہ
قریبِ لاشئہ ہمشیر بھائی جب پہنچا
بندھے تھے ہاتھ بدن طوق سے لرزتا تھا
نہ اُٹھ سکا جو جنازہ بہن کا بھائی سے
تو رو کے بیٹے سے سجاد پھر یہ کہنے لگے
کر مدد میری باقر بیٹا ہمشیر کی قبر بنائوں میں
زنجیر اُٹھائو تم میری اور اُس کی لاش اُٹھائوں میں
دادا نے بڑی مظلومی میں تھا دادی کو دفنایا
لیکن وہ مدینہ تھا باقر اور یہ ہے دیس پرایا
اس چار برس کی زہرا کو غربت میں کہاں دفنائوں میں
جو خوں سے بھری تھی مادر کی نظروں سے چھپادی میں نے
اک سال سے تھی جو گردن میں رسی وہ ہٹادی میں نے
گردن پہ بنے جو رسی سے کیسے وہ نیل چھپائوں میں
مل جائے اگر واپس مجھکو وہ تیری ردا اور گوہر
بابا کی لحد پر رکھ دوں یا صغرا کو دوں واپس جاکر
وہ دونوں امانت ہیں تیری بتلادے کسے پہنچائوں میں
جب تم کو رہائی مل جائے پھپھیوں کو وطن پہنچانا
رہ لیں گے یہیں غمخواری بہن تم قافلہ گھر لے جانا
دفناتے ہوئے اس بچی کو زنداں میں اگر مرجائوں میں
دونوں کو جدا میں کیسے کروں ہمت ہی نہیں یہ میری
ہے آپ کے سر سے لپٹی ہوئی بے جان یہ آپ کی بیٹی
کیا ساتھ سکینہ کے بابا سر آپ کا بھی دفنائوں میں
تاویز ِلحد کو بند کیا عابد نے یہ کہہ کر اکبر
کہنا یہ حرم سے اے باقر سب روئیں یہاں پر آکر
تربت پہ چھڑکنے کی خاطر اب پانی کہاں سے لائوں میں
Sakina mar gayi zindan may jab ye shor utha
Alam se zard tha us dam har ek ka chehra
Qareeb e laashay e humsheer bhai jab pahuncha
Bandhe thay haath badan tauq se larazta tha
Na uth saka jo janaza behan ka bhai se
To roke bete se Sajjad phir ye kehne lagay
Kar madad meri Baqir beta hamsheer ki qabr banaun main
Zanjeer uthao tum meri aur uski laash uthaun mai
Dada ne bari mazloomi may tha dadi ko dafnaya
Lekin wo madina tha Baqir aur ye hai des paraya
Is char baras ki Zahra ko ghurbat may kahan dafnaun mai
Jo khoon se bhari thi maadar ki nazron se chupadi maine
Ek laash thi jo gardan may rassi wo hatadi maine
Gardan pe banay jo rassi se kaise wo neel chupaun mai
Miljaye agar wapas mujhko wo teri rida aur gowhar
Baba ki lehad par rakhdoo ya Sughra ko dun wapas jaakar
Wo dono amanat hai teri batlade kisay pahunchaun mai
Jab tumko rehaai miljaye phupiyon ko watan pohnchana
Reh lenge yahin ghamkhwari behan tum qaafila ghar le jaana
Dafnaate huye is bachi ko zindan may agar mar jaun mai
Dono ko juda mai kaise karun himmat hi nahi ye meri
Aap ke sar se lipti hui bejaan ye aap ki beti
Kya saath Sakina ke baba sar aap ka bhi dafnaun mai
Taweez e lehad ko band kiya Abid ne ye kehkar Akbar
Kehna ye haram se ay Baqir sab roye yahan par aa kar
Turbat pe chirakne ki khaatir ab pani kahan se laaun mai