Haye Muslim haye Muslim 

Karbobala say pehly Ruqaiyya ujar gayi

Muslim ki laash kufay may be aasra hui

Karbobala say pehly Ruqaiyya ujar gayi

Karbobala say pehly Ruqaiyya ujar gayi

Kya haal kardiya hay safeer e Hussain ka

Zakhmon say choor choor hay damaad e Murtaza

Phir kufa roney aai hay beti Rasool ki

Logon ziraa ko bech kar dena mujhe kafan

Mil jayen jab pisar mere pohanchana tum watan

Muslim ki poori koi wasiyat na ho saki

Muslim hay bey dayaar kisi ko nahi khayal

Kya hoga Karbala may ye kofay me jab hay haal

Syed shaheed hota hay hanstey hain ummati

Beton ko intezar tha wo laut ayenge

Behnon ki eid hogi galay jab lagaynge

Haey Baba kay badlay unsey yateemi galay mili

Do ungliyon kay darmiyan dekho tou bhai jaan

Khanjar galay pe kufay may Muslim kay hay rawaa'n

Yeh baat ro kay Ghazi say Shabbir nay kahi

Ek eid kay qareeb huay baap say juda

Ek eid per behan ka bhara ghar ujar gaya

Abbas dono eido'n pey rotay hain aaj bhi

Qabr e Batool per gayi ek khaali goud maa

Sajday kay sath aankh say aansu huay rawaan

Ummal Baneen ko jab yeh takallum khabar mili