Haye tha chehra zakhmi shikasta pehlu

Ajab qayamat ki wo ghari thi

Nabi ki beti dam e wasiyat 

Ali say jab ro ke keh rahi thi

Khuda nigehdaar Ya Ali 

Khuda nigehbaan Ya Ali 

Aye mere maula, chhor kay tanha 

Jati hai ab dukhtar e nabi

Khuda nigehdaar Ya Ali 

Khuda nigehbaan Ya Ali 

Gham tumhara Sayeda kay saath jaayega

Qabr mein tumhara gham mujhe rulaega

Pursa dene bhi tumhe koi na aayega

Shehr e Madina ghut kay hai jeena

Haye Ali bekasi teri

Ek wo din tha mai dulhan ban ke aayi thi

Aap kay ghar nay meri izzat barhayi thi

Mil ke mere saath ye basti basayi thi

Shaam say pehle aapke ghar say

Fatima khuda ke ghar chali

Dushman e Abu turab hain yahan tamam

Tum pe aanch aayegi phir bhi na ay Imam

Fatima nay kar diya hai aisa intezaam

Chaand say bete sadqe tumhare

Ab yahi hai jholi mein meri

Baba aaye the abhi dobara aayenge

Keh rahe the kalmago na ab sataenge

Fatima tumhe hum aaj leke jayenge

Wada kiya tha baba ne jiska

Aagayi hai ab wahi ghari

Aas say hain dekhte mujhe wo baar baar

Kar liya Hussain or Hasan ko maine pyaar

Maut kar rahi hai Fatima ka intezaar

Maa ko tarapte dekhen na bachhe

Saansen chal rahi hain aakhri

Ummat e Nabi nay mera haal ye kiya

Jalta dar Batool par gira diya gaya

Taziyana bhi laga hai haath bhi utha

Pehlu shikasta bazu shikasta

Fatima tou zakhm ban gayi 

Zakhm dekh kar mere abhi say hain nidhaal

Maa kay gham mein hogaya hai unka ghair haal

Baad mere betiyon ka rakhna tum khayal

Zainab o Kulsoom hain abhi masoom

Raah e shaam dur hai abhi

Fatima pe hogayi sitam ki inteha

Aap say chupayi haye maine har jafa

Ghurbaton ka hai meri gawaah mujtaba 

Kaise bataun kaise sunaon

Fatima kahan kahan giri

Haye dukhtar e Nabi ko qabr mein utaar kar

Roay Murtuza Ali takallum is qadar

Hogayi tamaam qabr aansuo'n say tar

Uth ke qabr say jab Ali chale

Thi yahi sadaa Batool ki