Ya Hussain maula Hussain

Kis tarha thehray sar e Shah e wafa naizay per

Sham tak jaaye gi Zainab ki rida naizay per

Kis tarha thehray sar e Shah e wafa naizay par

Raah mein poocha Sakina ny jo baba hain kahan

Khoon roty huye Abid nay kaha naizay per

Qabr jis chand ki chup chup kay banaty thy Hussain

Raat hoty hi wohi chand charha naizay par

Shiddat e piyas hay tanha hai ghareeb e Zahra

Aag ugalta hua sooraj hay sawa naizay par

Khoon Abid ki tarha rotay thay mazloom Hussain

Chhu kay chadar ko jo aati hai hawa naizay par

Maine parday mein isay pala hai boleen Zainab

Sar mujh shimr na Akbar ka dikha naizay par

Sham tak baali Sakina nay tamanchay khaye

Sham tak rotay rahy Shah e Khuda naizay par

Baad mein majlis e Shabbir hui zindaan mein

Pehly majlis hui chadar ki bapa naizay par

Sirf aur sirf Hussain Ibn e Ali janty hain

Kaisy hoti hai asad hamd e Khuda naizay par