Shaam-e-gham aagayi, shaam-e-gham aagayi

Kya raha khaimon may sheh kay, aik udaasi rehgayi

Sirf ronay ko Mohammad ki nawasi rehgayi

Saj gayi Qasim kay tukron se udhar karbobala

Maa idhar betay ki dulhan ko sajati rehgayi

Chheenta tha shimr chaadar aur Zainab baar baar

Apnay chaadar ke muhafiz ko bulaati rehgayi

Khoon-e-dil Akbar ka sab behgaya ran may magar

Dil may bas aik baat Zainab kay rida ki rehgayi

Ay muslamaano tumhari ghairaten kya hogayi

Tum tamashaai thay Zainab mu chupaati rehgayi

Qaid may baali Sakina ko mila baba ka sar

Mu pe mu rakhkar jo soi maa jagaati rehgayi

Madar e Asghar na baithi saaye may Asghar kay baad

Saaye may aayi to zinda laash baaqi rehgayi

Har tamachay par Sakina mu pe rakhkar nanhay haath

Neel ruksaaro ky ghazi ko dikhati rehgayi

Aagaye rehan-o-sarwar karbala se laut kar

Aaj tak khushboo badan may karbala ki rehgayi