Ghareeb e Zehra pa kya waqt hai ghareebi ka

Gareban chaak hai balon may khaak e karbobala

Talaash karte hai rasta nazar nahi aata

Ye haal dekh ke haste hai sheh pa ahle jafa

Behan ki kaandhon par kul kaayenat laate hai

Qadam qadam pe ye awaaz dete jaate hai

Umme Laila sambhaal Zainab ko

Laa raha hoo mai lasha e Akbar

Bolay honge Hussain ye rokar

Naujawan laash hai zaeefi hai

Meri nazron se dekh manzar ko

Kaise hamsheer ko sambhalunga

Mai sambhale hue hun Akbar ko

Tera ehsaan hoga ye mujh par

Iske seene se kehke naam e Ali

Maine barchi abhi nikaali hai

Imtehan de chuki meri ghurbat

Ab teri bekasi ki baari hai

Tu bhi is waqt ya Ali keh kar

Do nageene thay iski jholi may

Dono Akbar pe kar diye sadqa

Sabr aisa ke apne beton par

Maine rote isay nahi dekha

Hai magar ab ye lasha e Akbar

Rok rakha hai apne ashkon ko

Sab se chup chup ke aahen bharti hai

Mai samajhta hun maadar e Akbar

Teri mamta pe jo guzarti hai

Rakh ke apne kaleje par pathar

Kaise laashe jawan uthaye hoo

Aeriyan khat banati aati hai

In nishano ko peeche peeche mere

Amma Zehra mitati aati hai

Uski nazrein na dekhe ye manzar

Ay takallum wo shaam o kufa ka

Tay hua hoga is taraf se safar

Amma Zainab sambhaalna maa ko

Kehtay hongay sina say yeh Akbar

Aur hoga Hussain ke lab par