Laash Akbar ki jo maqtal sy utha laye Hussain

Aik kohram tha khaimay mein jo maula ne kaha

Laashay pe naujawan kay chadar urhao Zainab

Akbar ka zakhmi seena maan say chupao Zainab

Laashay pay naujawan kay chadar urhao Zainab

Beenayi bhi nahi hai khhat kis tarha parhun ga

Main ussay kya kahunga

Qasid hai any wala is ko jagao Zainab

Bhai ka gham uthana aasan nahi hai bibi

Jee bhar kay ro lay woh bhi

Khaimay mein naujawan ki behnen bulao Zainab

Kar lo behan tasawwur armaan kuch tou niklen

Ham sehra parh rahay hain tum apnay naujawan ko

Dulha banao Zainab

Kurta lahu mein tarr hai mil jaye ga kafan bhi

Khwahish bhi ho gi puri

Akbar ki shadi wali poshak lao Zainab

Shayad isi tarha say dil ko karaar aye

Beenayi laut jaye

Ankhon say naujawan ka kurta lagao Zainab

Mujh say ziyada tum say nazdeek yeh raha hai

Tum ko tou sab pata hai

Akbar kay bachpane ki baten sunao Zainab

Laila ka haal ajab hai jab say khabar hai aayi

Deta nahi dikhayi

Bazu pakar kay maa ka lashay pay lao Zainab

Lasha liye takallum khaimay say Sheh jo niklay

Ro kar behan say bolay

Rukhsat yahin say kar do bahir na aao Zainab

Laashay pe naujawan kay chadar urhao Zainab