Laylatal qadr hun mera taboot 

Ya Ali raat ko uthana tum

Mujh ko jis jis ne bhi sataya usay

Meri mayyat pay na bulana tum

Yeh jigar khuar hain shaheedon ke

Yeh kaleje chabanay walay hain

Mein hun Mastur unki nazron se 

Meri turbat ko bhi chupana tum

Mere pehlu ka zakham gehra hai

Mera Shabbir seh nah paye ga

Dafn ke waqt bhi mera Maula

Haath pehlu se na hatana tum

Mere baazu ke neel dekh chuki 

Meri chadar se khoon ponch chuki

In masaaib se woh bhi guzray gi 

Kuch na Zainab se ab chhupana tum

Kab se zakhmi hui hon mein maula

Woh meri goud mein nahi soay

Raat ke waqt mere bachon ko

Meri turbat pay le ke aana tum

Naam le ke mujhe puraka gaya

Mere ghar aake mujh ko mara gaya

Teri amma Batool qatal hueen 

Mere Abbas ko batana tum

Paslyan tor di hain ummat ne

Thak chuki hon mein zulm sehte hue

Jarahi hon mein paas baba ke

Ab waheen mujh se milnay anaa tum

Kuch to Imran haq adaa hoga 

Sahib ul Asar se karo wada

Jaan dedena sar katana magar 

Haqq e Zahra ko mat chupana tum