Logon shehar madina zahra ki karbala hay

Utra quran jis ghar kosar ki qatal gaah hay

Ruktay jahan muhammad salman karay sajda

Jhuktay jahan malaik woh aastan jala hay

Koi day raha hay dhamki koi aag lagata hay

Mari kisi nay thokar zahra pay dar gira hay

Gira aag bhara dar jo zahra ki sada gonji

Meri tut gai pasli mohsin bhe mar gaya hay

Lag kay galay hasan kay shabbir kheh kay roe

Bhai hamari maa ko mara gaya bara hay

Fizza ki chekh nikli dar jo hata kay dekha

Apnay lahu main dubi bayhosh fatima hay

Main tuti paslion say leti hun sans muskhkil

Teray baad baba mera kia haal kardia hay

Diya saat chadaron ka fizza nay kafan rokay

 Zahra ka khoon phir bhe pehlu say na ruka hay

Qabrain turab chalees aur raat ki tareeki

Haider nay fatima ko logon chupa diya hay