Sughra ko muharram ka jab chand nazar aaya

Yad e Shah e waala nay dil aur bhi tarpaya

Chand ko dekh kay Sughra nay kaha haye Hussain

Aa gaya mah e muharram kya nahi aaye Hussain

Chand ko dekh kay sughra nay kaha haye Hussain

Yaad pardes mein aati hai lahad amman ki

Dil ka ehwaal sunanay ko kahan jaye Hussain

Chand ko dekh kay Sughra nay kaha haye Hussain

Aap aaye na khabar aayi na Akbar aaye

Kaisay is haal mein Sughra se jiya jaye Hussain

Chand ko dekh kay Sughra nay kaha haye Hussain

Jab say yeh chand muharram ka nazar aaya hai

Amman roti hain tujhy ay mere maajaye Hussain

Chand ko dekh kay Sughra nay kaha haye Hussain

Koi tasveer tou Zahra ki rahi parday mein

Yeh to acha hua Sughra ko nahi laaye Hussain

Chand ko dekh kay Sughra nay kaha haye Hussain

Naam par Shah ne Akbar kay khareedi hai zameen

Kaisay jageer tujhy bhai ki dikhlaye Hussain

Chand ko dekh kay Sughra nay kaha haye Hussain

Eid bhi soug kay alam mein guzari us nay

Haye Akbar kabhi kehti thi kabhi haye Hussain

Chand ko dekh kay Sughra nay kaha haye Hussain

Mustaqil Shah ki ankhon se thay aansu jaari

Khat e Sughra ko mukammal nahi parh paye Hussain

Chand ko dekh kay Sughra nay kaha haye Hussain

Aik aik beti say rukhsat hue khaime mein magar

Haye afsos keh Sughra say na mil paye Hussain

Chand ko dekh kay Sughra nay kaha haye Hussain

Likh kay noha yeh takallum nay dua mangi hai

Har azadar ko ashur pay bulwaye Hussain

Chand ko dekh kay Sughra nay kaha haye Hussain