Mera Abbas Mar Gaya Baba
کوئی چادر نجف سے لے آو
میرا عباس مر گیا بابا
شرم آتی ہے بنتِ زھرا کو
میری جانب نہ دیکھنا بابا
کوئی چادر نجف سے لے آو
میرا عباس مر گیا بابا
آج کرب و بلا کے مقتل میں
قتل بھائی بہن ہوئے دونوں
وہ اُدھر زین سے گِرا تھا اِدھر
سر سے میرے گری ردا بابا
مجھ سے اماں نہ پوچھ لیں یہ کہیں
تیرے ہوتے یہ کیا ہوا زینب
میرے بھائی پہ چل گئی ہے چھری
مجھ پہ خنجر نہیں چلا بابا
ایسا لگتا ہے اس کے جانے سے
ایک دیوار ہٹ گئی جیسے
لوٹ لو اب حسین کے خیمے
شام والوں میں شور تھا بابا
موت زینب کو کیوں نہیں آئی
مر گئے آج میرے سب بھائی
لے چلو مجھ کو بھی وہاں جلدی
ہے جہاں میرا با وفا بابا
بات مجھ کو یہی رلاتی ہے
اُس کے بچوں سے شرم آتی ہے
کچھ نہ کر پائی آپ کی بیٹی
خونِ عباس بہہ گیا بابا
لاش اکبرکی جب اٹھائی تھی
سر پہ میرے ردا سلامت تھی
لاشِ غازی اٹھاؤں میں کیسے
میرے سر پر نہیں ردا بابا
قتل کے بعد پھرسے قتل ہوا
نہر پر با وفا تڑپنے لگا
میری چادر اٹھا کے نیزے پر
شمر ساحل پہ لے گیا بابا
میری بچی یہ مجھ سے کہتی ہے
میں بھی غازی پہ جان دے دوں گی
مر نہ جائے یہ شام سے پہلے
دو سکینہ کو حوصلہ بابا
اے تکلم وہ کہہ رہی ہوگی
زائروں پر لگی ہے پابندی
میری ماں انتظار کرتی ہے
کون آئے گا کربلا بابا
Koi chadar najaf se le ao
Mera Abbas mar gaya Baba
Sharam aati hai Bint e Zehra ko
Meri janib na dekhna baba
Koi chadar najaf se le ao
Mera Abbas mar gaya Baba
Aaj Karbobala ke maqtal mein
Qatl bhai behan hue dono
Woh udhar zeen se gira tha idher
Sar se mere giri ridaa baba
Mujh se amma na pooch len ye kahin
Tere hotay yeh kya hua Zainab
Mere bhai pay chal gayi hai chhuree
Mujh pay khanjar nahi chala baba
Haye aisa lagta hai us ke jaaney se
Aik deewar hatt gayi jaisay
Loot lo ab Hussain ke khaimay
Shaam walon mein shor tha baba
Haye mout Zainab ko kyun nahi aayi
Mar gaye aaj mere sab bhai
Le chalo mujko bhi waha jaldi
Hai jahan mera bawafa baba
Baat ko mujko yahi rulaati hai
Uske bachon se sharm aati hai
Kuch na kar paayi aapki beti
Khoon e Abbas beh gaya baba
Laash Akbar ki jab uthayi thi
Sar pe mere ridaa salamat thi
Haaye laash e Ghazi uthaun mai kaise
Mere sar per nahi ridaa baba
Qatl ke baad phir se qatl hua
Neher per bawafa tarapne laga
Meri chadar utha ke naize per
Shimr sahil pe le gaya baba
Meri bachi ye mujse kehti hai
Mai bhi Ghazi pe jaan dedungi
Haye mar na jaaye ye shaam se pehle
Do Sakina ko hausla baba
Ay takallum woh keh rahi hogi
Zairon per lagi hai pabandi
Meri maa intezar karti hai
Kaun aayega karbala baba