Koi chadar najaf se le ao

Mera Abbas mar gaya Baba

Sharam aati hai Bint e Zehra ko

Meri janib na dekhna baba

Koi chadar najaf se le ao

Mera Abbas mar gaya Baba

Aaj Karbobala ke maqtal mein

Qatl bhai behan hue dono 

Woh udhar zeen se gira tha idher

Sar se mere giri ridaa baba

Mujh se amma na pooch len ye kahin

Tere hotay yeh kya hua Zainab 

Mere bhai pay chal gayi hai chhuree

Mujh pay khanjar nahi chala baba

Haye aisa lagta hai us ke jaaney se

Aik deewar hatt gayi jaisay 

Loot lo ab Hussain ke khaimay

Shaam walon mein shor tha baba

Haye mout Zainab ko kyun nahi aayi

Mar gaye aaj mere sab bhai 

Le chalo mujko bhi waha jaldi

Hai jahan mera bawafa baba

Baat ko mujko yahi rulaati hai

Uske bachon se sharm aati hai 

Kuch na kar paayi aapki beti

Khoon e Abbas beh gaya baba

Laash Akbar ki jab uthayi thi

Sar pe mere ridaa salamat thi 

Haaye laash e Ghazi uthaun mai kaise

Mere sar per nahi ridaa baba

Qatl ke baad phir se qatl hua

Neher per bawafa tarapne laga 

Meri chadar utha ke naize per

Shimr sahil pe le gaya baba

Meri bachi ye mujse kehti hai

Mai bhi Ghazi pe jaan dedungi 

Haye mar na jaaye ye shaam se pehle 

Do Sakina ko hausla baba

Ay takallum woh keh rahi hogi

Zairon per lagi hai pabandi

Meri maa intezar karti hai

Kaun aayega karbala baba