Haye ghareeb haye Hussain

Ay mere ghareeb Hussain

Band e kafan ko torr ke

Aayi hai phir se maa

Maathe pe teer pehlu mein paywast barchiya'n

Aur qalb mein sinaa

Marham lagayegi teri madar kahan kahan

Baahein galay mein daal lo

Himmat zara karo ay laal ghar chalo

In patharon ke dher mein tum chhup gaye kahan

Rakh dungi haath gardan o khanjar ke darmiyaan

Waada hai meri jaan

Ghazi ki tarhan dasht mein qurbaan hogi maa

Karyal jawan ki laash pe tera tha imtehaan

Tayyar ab hai maa

Beta mai tere seene se khenchungi khud sina

Mohsin ke baad se meri jaise jhuki kamar

Tujhko to hai khabar

Aise hai baad Ghazi kay teri kamar kamaan

Bete ke saath dasht mein madar ka khoon bahay

Kehdo ye shimr se

Gardan pe pehle wo kare khanjar mere rawaan

Amma hata lo haath takallum thi ye sadaa

Katne do ab galaa

Har zarb par ye kehti thi pehlu shikasta maa