Baba jaan baba jaan

Meri kahani suno

Baba tumhari Sakina hun main

Baba kasam kha kay kehti rahi

Karta nahi tha yaqeen yeh koi

Ab tum hi de do gawahi meri

In shamiyun se kaho

Baba tumhari Sakina hun main

Meri kahani suno

Ashoor tak yeh zaeefi na thi

Baalon may mere safedi na thi

Tum jab gaye thy main aesi na thi

Lehjay se pehchan lo

Baba tumhari Sakina hun main

Aray kehta tha zalim satao isay

Durre tamanchey lagao isay

Naiza dikha kay darao isay

Maloom tha shimr ko

Baba tumhari Sakina hun main

Baaghi ki beti samjh kar mujhe

Bachon nay marey hain pathar mujhe

Rehna nahi ab yahan par mujhe

Bus Karbala lay chalo

Baba tumhari Sakina hun main

Zid ki thi bachpan may jab aap nay

Aye thay malboos firdoos say

Aaj apni madar say mere liye

Mera kafan maang lo

Baba tumhari Sakina hun main

Zindan ka naqsha badal jayega

Kuch dair may dum nikal jayega

Dil jatey jatey behel jayega

Sughra ki baten kro

Baba tumhari Sakina hun main

Mujh ko tamancha hi aesa laga

Nazron may meri andhera hua

Meri kamar me bhi kham agaya

Daagh e rasan dekh lo

Baba tumhari Sakina hun main

Sar apne Baba kay sar per rakhey

Boli takallum wo rotey huey

Sab maarne per tulay hain mujhe

Tum keh do jeeti raho 

Baba tumhari Sakina hun main